طــــحت مـــن عـــينـــي **

**ريم الغلا** · منذ /2008-05-11, 02:40 AM

بعد ما طحت من عيني وذقت الموت بسبابك
عرفت انّك تبي الفرقا .. خساره ما توقعتك

وأنا اللي كني من حبي اعيش الموت بغيابك
غريبه كيف ما ادري .. أنا وشلون طاوعتك

تصور من بعد غدرك أسوق الدنيا لعتابك
أقلب با لحشا جرحي أناني وفيني طمعتك

بعد ما خنت وش تبغى أجي وابكي على بابك !!
أجي واذبح أحاسيسي .. كفى بدمعي رجعتك !!

ألا ليت الغرام اللي جمعنا وبالغدر عابك
يفيد القلب لو أني صحيح بعذر طلعتك

عطيتك طيبة عمياء حسد كل خيرها أصحابك
وأشوفك تبتعد كني على ها لجرح شجعتك

خطاي أني عطيتك خير ودايم احسب حسابك
خطاي أني عشقتك لين بصدق الحب ولعّتك

بعد ما طحت من عيني تعال وقلي وش جابك ؟؟
أذل النفس لعيونك ألا ياليتني بعتك

تبي تبرر خياناتك لقيت الجرح يطغى بك
وقلت لأهلك وناسك على موالي طبعتك

تجر الخنجر بظهري وأموت بقسوة اهدابك
على علمي الخطا مني وأنا اللي جيت وفرعتك

تبي تبرر خياناتك بطفلة كانت تهابك !!
ولاء اللي تحبك حيل ترى في قلبها شعتك

كفاية كنت لك دنيا وكنت بعينك أحبابك
كفاية انّك الخاين وأنا من طيبتي طعتك

دريت أن الغدر دايم يا قاسي حالة تنتابك
نسيت من الألم دنياك بدى ها لقلب في نعتك

بروح وطعنتك فيني وأقدر كل ما صابك
عرفتك من بدايتنا كثير بهجري أقنعتك

قبل لا أبتعد تكفى تذكر فيني ارهابك
ولا تنسى ابد أني بنن عيوني جمعتك

عظيمة غلطتي بحبك تعال وخذها أتعابك
ترى كل الخطا مني لأني بصدق دلعتك

أبلعن بالهوى طاريك .. وأطعنة لو هو هلا بك
يا باب الحب قفلنا .. تجاهل أني شرعتك

خساره يا وفا قلبي عيون الحزن تغتابك
يا أوتار الخفوق اللي عشقه الليل قطعتك

من الأول يا ولد الناس تذر بعيننا ترابك
وأنا قدام خلق الله بعيبك جيت ولمعتك

عشقت وخانني قلبك حسافة كيف يشقى بك
غريبة موتت احساسي وأنا لوناتي سمعتك

قبل تتطعن مشاعرنا حبيبي هدي أعصابك
ابيك تقول لي وشلون أنا لعيوني خضعتك

ابحلف يا بعد كلي ما عاد قليبي يزهابك
ترى بانت ألاعيبك وأنا بخلاصي متعتك

هقيت العشره تنفعنا وضميرك يركد مصابك
يا أغلى جوهر بعمري كفاية بدمع رصعتك

بعد ما خنتني واجنيت وصرت بحسبة أغرابك
لقيتك ناكر لطيبي يا جرح فيني أبدعتك

تظن اندم على بعدك .. يا كيف أسابق ركابك
خلاص الطعنة تكفيني يا عين الحزن جرعتك

حسافه خانني ظني هقيت الدنيا تحلا بك
تعبت أساير آهاتي يا ضيقة صدري وسعتك

طعنت القلب يا كاذب تصدق واضح إعجابك
الين الحين تخدعني وأنا من طيبي طاوعتك

ابد ماجيتك لشيٍ وكل طعوني ترضى بك
ابحلف من بعد ربي يا عيني لعينه ركعتك

ابد ما ينكسر رمشي لغيرك حتى لو سابك
تراك العالم بعيني وسط ها لقلب ربعتك

بعد ما طحت من عيني وذقت الموت بسبابك
فمان الله ... لا .. لحظه أنا وشلون ودعتك !؟؟

المصدر: شبكة منتديات سالفة عشاق - من قسم: ديـوانـيـة عـشـاق القـصـيـد

'JJJJpj lJJJk uJJJdkJJJd **

**~{ بسگآتـِےٌ آذلگ ●** · منذ /2008-05-11, 03:36 AM

صح لسان قايلها وصح الله ذووقك يالغلا

اتحفتينا بالقصيده الرائعه

لاعدمنا جديدك

**عَــذْبَة..!** · منذ /2008-05-11, 07:21 PM

صح السان شااعرها ..

وصح الله قلبك ..

قصيده جميله ..

اتحفتينا ..

**صِبـَآ** · منذ /2008-05-16, 10:12 AM

.

وهل يبقى هناك معنىً للأ سى أبلغ من هذا ..

بكل حب نهدي من نحب قلوبنا .. وبكل غدر ٍ ُيداس تحت أقدامهم ..

يال الفضاعة .. غريب أمر هؤلاء البشر ..

ولكن مع كل ما حصل نبقى أوفياء ..

لأننا نملك قلوباً صافية ً كصفاء السحاب ..

ونبقى عاكفين .. نمارس طقوس الحب ونكون عالماً خاصا بنا ..

ريم الغلا ,,

جميل هذا المتصفح ..

بقدر جمالكـ وجمال حرفكـ ..

إبداع يستحق التصفيق ..،

.

**ريم الغلا** · منذ /2008-05-17, 03:21 AM

مشكوووووووووورين عالطله الحلوه ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تخلص من آفه التأجيل	اغتراب الروح	تطــويـر الـذات	5	2008-07-26 02:43 PM
الاهــــلـــي مـــن قـــلـــب الـــدوحـــه ][ تقرير مصور ][	اع ــز انسان	المدرجـات الريــاضـيـة	5	2008-03-12 05:45 PM

طــــحت مـــن عـــينـــي **

مملكة الشعر النبطي .. وكل ما تختاره ذائقتكم من قصائد ●