للاعضاء فقط ممنوع دخول المشرفين

**مجازف** · منذ /2008-08-16, 03:18 AM

تنبيه هام

اول شيء الموضوع للاعضاء فقط اذا كنت مشرف كرما وليس امرا ان تخرج من هذه الصفحه

تحذير للاعضاء!!

1
- اللي اقل من 18 سنه لا يدخل
2- اللي توه خارج من التوقيف لا يدخل
3- اللي ما عنده واسطه لا يخش ابد ابد
4- جميع الردود انت راح تتحملها انا مالي شغل؟

v

v
v
v
اذا موافق كمل واذا منت موافق اخرج بسرعه

v
v
v
v
v

وش رايكم يا اعضاء يا اعزاء يا كرام ان نرفع ضغط المشرفين اشويتين وخاصه المشرف (فلان ابن علان )واللى موافق يتبع التعليمات التاليه وسيجد نفسه
موقوف مع التحيه.!!

ماعليك الا انك تفتح اذانك وتركز معي زين..

وكـل شي موضح بالأمثــله لتسهيـل استخـدامهـا:

نحـن في خـدمـة الاعضاء

*** *** ***

1) أدخــل المنتدى واكتب أي موضــوع مال امه دخــل في هالمنتدى >> الموضوع في وادي والمنتدى في وادي,,

مثال >> اكتب موضوع رياضي في المنتدى الإســلامي,,

ويفضــل لو تكتـب عليه (( ارجــوا التثبيـت )) يكون لها طعم احلى،،

*** *** ***

2) خـذ لك موضـوع توه جـديد من أي منتدى >>> انسخـه واكتبـه بإسمك مره ثانيه في نفس المنتدى ,,

ويفضــل تكتب عليـه ((( فكــره جديــده )))

<< هنا المشرف يـدوخ.... مايدري وين المكـرر عشــان يحــذفه >>

*** *** ***

3) لا تشارك في أي منتدى ولا ترد على أحد .. وبعدين أطلب من الإدارة تحطك عضو فعال وكل يوم أرسل تظلّم

إذا ماعطوك وجه ؟؟

<< صدقني اذا ماقالوا لك اقلب وجهك ... اضمن لك انهم يرقونك إلى (عضـو بلشه) >>

*** *** ***

4) اكتب موضوع في منتدى الشكـاوي والإقتراحــات (( الفزعــه ياشباب )) >> طبعـا بيجيك المراقب طاير ===>
واكتب في الموضوع (( واحــد صفــر )) وحط عندها صـوره واحـد يضحـك ,,

>> في هـذي اضمــن لك قوطي ببسي يجي على خشـتك وانت توك تكتب الموضوع >>

*** *** ***

5) شكّك في أي موضوع يـطرح في المنتدى .. في كل موضوع قل (( كأني شايفه في منتدى ثاني))

<< خلي العالم تــفهم أنه مسروق >>

*** *** ***

6) ادخل على أي موضوع مثبت ... وأكتب عليه للرفع,,

<< في هـذي احسن لك تطلع بشويش بكرامتك قبل يضربونك بالفاره >>

*** *** ***

7) حاول ترد على المواضيع القديمه >> طلع الغبار >>

والجديده خلها تنزل ,,

<< كذا تقلب القسم حقه فوق تحت مثل ماسوي انا بالشخابيط بمواضيعي >>

*** *** ***

شوف لك مشرف (يفضل المشرف العام )... كل يوم إرسله رسائل خاصه تقـول له

وش رايك في ذاك الموضــوع... احـس انه بايخ احذفه تكفى ,, ولا هذه الموضـوع رهيـب ثبته ,,

<< هنا المشـرف يكره اليوم اللي خلـوه فيه مشــرف >>
واضمن لك توقيف نهائي
*** *** ***

9) دقق في الاخطاء الاملائيه المشرفين (خاصه اللي يكتب بسرعه) .. ورد عليهم فقط لتصحيح الاخطاء الإملائيه ولا تجيب طاري الموضوع,,,

*** *** ***

وعندما تصـل حالة تهـورك إلى درجــة الغليــان فما عليك سوى :

10) عند تعيين أي مشرف جـديد ... أبدا تكلم عن الواسطة وأنه ما يستاهل ولمح أن الإدارة ما عندها سالفة ,,

>> هــذي تغنيــك عن كل الوســائل اللي راحــت

والله يموتون قهر

ـ ـ ـ ـ ـ ـ ـ ـ ـ ـ ـ ـ ـ ـ

لا تزعلون يا اصدقائي المشرفين تراني احبكم بس فيه طلب اذا ما فيه مانع والاخلاق لسه زينه ابي اصير مشرف المنتدي العام عشان اوقفكم !!

للاعضاء اذا ما رديت علي موضوعي تراني موقف افزعولي

م/ن

المصدر: منتديات سالفة عشاق - منتدى سالفة عشاق - سالفة عشاق - من قسم: سواليف المساطيل

gghuqhx tr' llk,u ]o,g hglavtdk

**مجازف** · منذ /2008-08-16, 03:41 AM

يعني وحد بوحده
هين هين
يا
عمدة عيال الحاره

**اوركــيدا** · منذ /2008-08-16, 04:21 AM


	المشاركة الأصلية كتبت بواسطة مجودي


	يعني وحد بوحده هين هين يا عمدة عيال الحاره

سلامات

**اسيل** · منذ /2008-08-16, 04:53 AM

شكل حالة الاكتئاب اللي فيه خلته يوصل لهذه المرحله معليش شوي ويهدى ههههههههههههههه

**اوركــيدا** · منذ /2008-08-16, 05:01 AM


	المشاركة الأصلية كتبت بواسطة اسيل


	شكل حالة الاكتئاب اللي فيه خلته يوصل لهذه المرحله معليش شوي ويهدى ههههههههههههههه

ان كيدهن عظيم:velho:
ايش رايك
ارفع العلم الابيض

.......

**تبطي .. اخليك** · منذ /2008-08-16, 12:08 PM

هههههههه اوركيدا ترى شفت ردك المحذوف

طلعتي منتي سهله

بس والله اشياء ترفع الضغط من جد

يعني مو عشان اعضاء بتكون عادي عندكم

حتى العضو بيرتفع ضغطه

الله يسعدك اخوي ماجد على هالموضوع الخفيف

شكرا لك

**abuammar** · منذ /2008-08-16, 01:14 PM

موضوعك جميل لكن فكرة إننا تكتب أخطاء العضو في موضوعه ما أأيدك عليها لكن عندي فكرة أحسن منها وهي كالآتي:
أن نضع موضوع بعنوان رادار المنتدى بحيث نجمع فيه أخطاء جميع الأعضاء والمشرفين والإداريين طبعا من دون ما يزعل أي عضو من الآخر وترى الواحد ما يتعلم إلا من أخطائه فعندما يخطئ الواحد منا ونقوم بإبراز خطئه له يتعلم من هذا الخطأ وما يعيده أرجو أن تكون قد وصلت فكرتي.
ولك مني جزيل الشكر على موضوعك الرائع وراح أنسخه في منتدى ثاني إذا سمحت لي وآسف على الإطالة والسلام عليكم ورحمة الله وبركاته
محبكم في الله/ abuammar

**مجازف** · منذ /2008-08-16, 11:10 PM

يا (اوركده)
الله المستعان
الله العالم انك شاربه علاج كحه
وساقيه اسيل معاك
عشان تنسى الفراغ اللي فيها

تبطي اشكر مرورك
والمسانده المعنويه

**اوركــيدا** · منذ /2008-08-17, 03:20 AM

الســــلام عليكم ورحمة الله وبركاته

الى الاخ مـاجد

اعتذر بكل كلمات الإعتذار ......

آسفة اعذرني لاأقصد .......

اعتذر بكل اللغات ......

معليش حقك علي Iam sory pardon.....

فبكل باقات الورود المختلفة أقدم اعتذاري مصحوبة بكرت صغير مكتوب فيه :
الى صاحب القلب الكبير ..
ماجد ..

اعترف اني قد
اخطات عليك وها انا ذا اقدم اعتذاري

اختك
اوركيدا
.....................

اما بالنسبة للاخت اسيل
فما لها ذنب
ما شافت ردي اصلا
وانا اقول لها كان فعلا فيه رد قبل رد الاخ ماجد وكان الرد مني انا اوركيدا لكني حذفته ..

والسلام ,,

**مجازف** · منذ /2008-08-18, 10:05 AM

مهما يصير
ترى الدعوه
مزح
اوركيدا
تأكدي انك في حسبة(اختي)

ومابه زعل
ويوم اقولك وحده بوحده تراني اقصد اني كتبت رد على موضوع لك ورجعت حذفته
اتمنى ان الصوره وضحت
وياليت ترسلي ردك اللي حذفتيه على الخاص
اذا تكرمتي

من باب حب الاستطلاع (اللقافه)

م ا ج د