أشهر الكلمات السعودية المضحكة

**جريح يكابر** · منذ /2008-03-10, 03:40 AM

الدلخ: وهذاا إنسان غبي جداااا ويرفع الضغط ....وينرفز ....واكثر من يعااني منه المدرسين.... واهله

المنسم : ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم.

جحلط ( بتشديد اللام ) : وهم مرحلة متقدمة للسلنتح

مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة

الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له

المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...

العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق ال****(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري..

المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة. و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة.

المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،،ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!.....

الداشر : هذا قليل الأدب . و إذا قيل فلان دشر فلان أي خرب أخلاقه لكن في الأردن الشقيقه كلمه دشره تعني أتركه..

الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك .

زعّيط : مسوي نفسه يفهم في كل شيء وهو من جنب العارضة .

المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ...

المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش ....

الخكري : ببساطة الخكري = نعومة + دلع + ليونة والله لايبلانا ...

اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهكذا ..

م
ن
ق
و
ل

المصدر: منتديات سالفة عشاق - منتدى سالفة عشاق - سالفة عشاق - من قسم: سواليف المساطيل

Haiv hg;glhj hgsu,]dm hglqp;m

**تبطي .. اخليك** · منذ /2008-03-10, 06:47 AM

هههههههههههههههههههههه

السعوديين عليهم كلام ...

وتعليقات ماهيب عند احد ابد ,,,

في كلمات اول مره اسمع تعليقاتها مثل :

الصتيمة ,, و المفلت ,, و مسفّح

عوافي العاششششق

**جريح يكابر** · منذ /2008-03-10, 07:12 AM


	المشاركة الأصلية كتبت بواسطة تبطي .. اخليك


	هههههههههههههههههههههه السعوديين عليهم كلام ... وتعليقات ماهيب عند احد ابد ,,, في كلمات اول مره اسمع تعليقاتها مثل : الصتيمة ,, و المفلت ,, و مسفّح عوافي العاششششق