| أخر 10 مواضيع |
| |||||||
الطريق إلى عذفاء / صور وثائقية لحال المعلمات السعوديات
هنا ... اختلاف الرأي لا يفسد للود قضية [ يمنع المنقول ] ●
 |
| | LinkBack | أدوات الموضوع | انواع عرض الموضوع |
 منذ /2008-11-23, 11:26 PM
| #1 | ||||||||||||||
| بسم الله الرحمن الرحيم السلام عليكم ورحمة الله وبركاته الطريق إلى عذفاء صور خاصة لمجموعة نواف البريدية يعني ماراح احد يحس في الغربة والتعب والمشقة الا الي جربها وقبل لا اهديكم الصور التي تروي الحكاية اهديها لوزارة التعليم وابيهم يجون بس يجربون يوم بحكم اني من المشاكسين للشبكة العنكبوتيه الا اني استلمت الورقة وابعدت عن النت لا إرسال ولا شبكه ولا جوال عايشين على الثريا والثريا امحق من ثريا مثل قلته واشتقنا لأهلنا في الديره طفشنا من البران .. رحلتي في عذفاء وهي احد القرى التابعه لمنطقة الجوف . ومن لا يعرف الجوف وهي شمال المملكة العربية السعودية التي تسكن فيها العضوه بشاير <<<متأكده الاخت ويوم ان الله قرد التعليم خلاهم يختاروني استثنائي مكان احد المعلمات التي طلب اجازه لمده 3 شهور وبحكم اني مالي خبره عن التدريس مغبره من كم سنه قلت ابي اجرب واجازف الوالد حفظه الله فتح محاضره عليه وانا قلت لا ... الا اروح وقالت الناس ماتت <<<وطريق وعر قلت يا الله نغامر وعدستي معي وكما قال الشاعر في عذفاء يافاطري وان جفاك منيف تردين( عذفاء ) على ليلة تنحري مكرميـن الضيـف شـمــر لـيـاقـلّـت الـحـيـلـة عند الجبيلي يطيب الكيف وانــت تريحـيـن ياشعيـلـة طولت السالفه تخبرون هذي المهايط حق المقدمه للي مايعرف عذفاء صحراء النفود ولها قصص وامحق قصص ناس ماتت وناس ضاعت والهجرة ليس فيها اتصالات ولا طرق معبدة للمواصلات وقصة ( أسرة العتيق ) المشهورة حدثت هناك وغيره من القصص اللتي لم يسلط عليها الضوء مثل المعلم الرويلي و مجموعة معلمات ومات زوجها وبنتها عطش لم اتوقع يوم من الايام سوف تذهب بي الايام الى هناك كلهم كان مصيرهم واحد فهل سيكون لنا فصل يضاف لقصتهم ؟ الله يستر حصلت لنا مواقف كثيره ولكن الحافظ الله رب العالمين ولا لا تعليم ولا غيره اخرررررررررررطي لومت كان ما كان ومن غير انا ننحرم من اهلنا اسبوع والي تنحرم من اطفالها او زوجها يعني نروح الجمعه ونرجع الاربعاء العصر لسكاكا واترككم مع الخاطاوي ... والصور تعبر عن حالتنا المعلمات تسلى واستمع حتى تفتح الصور : استمع وشاهد الصحراء الي نقطعها في سبيل التعليم وأهم شي الخلفية الصوتية انتظر تحميل الصور ---------------  : دخلت عذفاء وقمت با التجول في الصحراء كل عصر ليكون هذا امام كل البشر الكل من المعلمات تحضر وتدرس وتنقل او تأخذ اجازه وتنسى الا بشاير ماهانت عليه اطلع الا اقول المصاعب التي تعانيها المعلمات والحياه الصعبه  قال ترحب بكم والله ماني ناسيه السواق يوم رد وقال أمحق من ترحيب والله انه صادق :  حلويات المعلمات في اخر يوم لي في العقد ودعوني وقلت لهم انتظر عدستي عبر الانترنت وسوف تجدون غربتي :  حياه صعبه ثريا وامحق من ثريا الي يمدح الثريا يقابلني والله مابها الفود غير ندور طعس ونوقف ونكلم ولا نتحرك لو اي حركه تفصل الشبكه او تحس انك تكلم بتنك وزميلاتي دايم على الشباك عشان الابراج فوول وين شركة الاتصالات وين المهايط وين زين وين الجوال وين موبايلي تذكر الجاهليه نفسي اجيب اكواب ورق اكلم يها احسن لنا من الارسال ولا بعد يلقط الارسال اجهزت الاستيشن يعني لو نبي نحش او نقول اي كلمه ندري ان اهل عذفاء يتسمعون لنا لان هم ارسالهم استيشن <<الي هو جهاز النداء او الجنزره << بجميع المصطلحات :  اما السواق الرايق ابو مجلي صاحب السفر واقول بعد السياحه يصيد الثعابين ويقول شوفو << نبي نوصل بسلام مانبي نموت تكفى وعزيزتي المعلمه المتغربه انصحك خلي جوالك استقبال بلا بطاقات بلا فقر الراتب خايس وزفت وفوق هذا بطاقه كل يوم لو تقولين الو فخلي فاضي اريح :  بعد الخروج من طريق خوعاء والردميه الي صار لهم سنين وهم يشتغلون :  اثار الردميه تقريب 50 كيلوا والباقي صحراوي :  :  :  وهذي الصوره في خوعاء لاول مره اشوف بيت سنع طبعاً خوعا قبل مانطلع منها صورت وانتم متوجيهن لعذفاء بعده ينقطع الارسال :  توقفنا للصلاه .... والله اني كنت من قلب انزل واصلي وادعي من قلب على هذه الحياه وعلى كل من كان السبب في الفساد في كل شي وزميلاتي يصيحون علي امشي جاتك العباده وكثر الدعاوي خلينا نلحق قبل ادماس الليل نخاف <<< وشلون تخافون وبشاير معاكم ههههههههههههههههههه وصح يوم خلصت صلاه ركبنا وحنا متوجهين نزيت واصيح احسب عقرب ركبت معي  اما هناك بعذفاء فله ههههههههههههههههه الحريم يسوقن وسواقنا ترك احد السيارت عندنا الله يوفقه ويستر عليه واقمز ابي اتعلم المهايط اصير بدويه راعيه العلياااااا واركب با السياره  : واتوهق وتطفي بس السياره بين تقاطع رملي انا وخويتي واصيح ياهمي انتي السبب طلعيني ويا الله نسحبها ونصفها قدام البيت واخر الاسبوع كا العاده الاربعاء جاء السواق والسياره مايله مبنشره خخخخخخخخخخخخخخخخ وينا وين البنشر  اما الي رحمتهم اطفال عذفاء الابرياء هكذا كانت تبدو عليهم الفرحه بوجود من يعلمهم الحرف والكلمه :  والاسبوع الاخير من ايام الامتحانات اقمنا خميس وجمعه لاول مره وفضلنا نصوم يوم الخميس تطوع نحمد الله ونشكره وحده على كل حال :  اعجبتني طريقه البنات الي قبلي بعذفاء لهم سنه والادهى والامر انهم يعرفون السبموسه يعني حظي حلووووو العام ماكان فيه كهرب بعذفاء الا يوم جيت نورت نورت بشاير :  وجاء اليوم الي تطلع اسماء المعلمات الي نقلوا والي مانقوا طبعا لا ارسال لا نت لا جرايد وشلون نعرف نعرف اخر يوم با الاسبوع او اهالينا يبشرونا ان النقل جاكم وانتظر الفرج من ادراه التربيه والتعليم يكفي انهم غربوكم << وش تبون بعد راتب سنع وبدل سنع ومريحننا وموفرين لما سيارات وبدل مناطق نائيه بكل ذوق عزيزتي المعلمه او المتعاقده تحت اشراف التربيه والتعليم << هيطو لا يغركم والله مانشوف غير الرضم <<< بلهجت الشمال اي الحجر او الفهر الراتب نقبضه لا دخلنا سكاكا :  وشوينا وتعشينا وبكينااااااااااااااااااااااا :  عملوا البنات منسف وطبخناه وجلسنا نبكي ليه ؟؟ لان الي نقلت وحده بس اهي اهي اهي اهي يعني الباقي يلقط ربحلا وفقع العام القادم اجمل ... :  هذا الحميس الي عملوه البنات الساعه 11 صباحاً كان في ايام الامتحانات يا تلك الايام والله ماااااااااااعودهاا :  اما مطبخنا البسيط كيف كان يعني لو احتسي من تصبح لما تغيب كيف جمعوها البنات من 5 سنوات تم تجميعه ولا مافكرتم كيف نقدر نجيب اغراض من سكاكا الى عذفاء بصحراء ثلاجات وووو ...وغيره ندور بس احد يشحن والشحن ب 1500 لو ثلاجه يعني يا الله نشحن حالنا لعذفاء الله يجزاهم خير ادارة التربيه والتعليم عن جد خلونا نتعلم ..؟ :  مشاوي احبتي :   :اهم شي الراس شفتوه واللحم :  : قلنا نبي نطبخ الرمد ولا العمي بس نبي نونس روحنا ونشحد قدور من شمر نبي نطبخ قلنا لهم قالوا تامرون امر والف شكر لكرمهم  وطبخوا البنات المنسف :  هذا الغاز والابريق دليل الرفاهيه والسعاده التي نعيشها ايها الوزير تحياتي تشرب كاسه ... من الي جربناه ولو البسيط :  اما السوبر ماركت << هم يقولون مو انا لا تعليق بتاع كله كل شي بها الي يبي يتسوق يجي :  الملابس روعه شي خيال والاقمشه شي جيت افصل لي مريول جديد واكتب عليه شعار وزارة التربيه والتعليم :  اما الملابس ماادري اي عهد ماكنت اتوقع اني في يوم من الايام راح اشوف كذا وربي بس انا ماقلت لكم يوم ان التربيه والتعليم دقوا عليه وخلوني اروح لعذفاء جبت لكم الاخبار :  وحنا طالعين كانت لكميرتي التقاط رائع لهذه السحله <<يعني الطاسه انا ماادري وش تسمونها بس جبتها با الشمالي "سحله" شكل يحلبون لبن نياق وماتوا وهي يبست من البطى ههههههههه " :  نجديات عذفاء :  اما طريقه بيع النجديات رحت بنفسي اختار الخاروف انا والمعلمه الحضيضه الي انقلت انا ابشركم انتهى عقدي هههههههههههههههههههههههههه يعني لو اني هناك ماراح انقل ونغني ياليل مااطولك :  اما البعارين او اقصد النياق اعذروني مااعراف البداوه كانت قدام بيتنا كل مااطلع تستقبلتي ياهمي حنا صرصور نهج عاد ناقه بس ماتهون عليه الخشه لقطتها :  في الجانب من منزلنا الجميل :  ودعنا عذفاء وكتبت قصيده هجاء لا لا اقصد حزن واهديناها السواق والاخ تنح يقرا والتقطت له ولاحظوا بااب المنزل حقنا مفتوح وهذا كان اخر يوم لرحيلنا بعد ضهور النتائج :  الشي الي تعجبت منه وش يحفرون يعني الزفلت ماوصل وجايين تبحثون عن بترول اول شي وصلوا الخط وتعالوا قال بترول :  تسللت الى منزل جارنا والتقت ضيافتهم وساحتهم :  المسجد الذي يخبرنا بوقت الصلاه :  اما الي تشوفون لونه برتقالي تبون تعرفون وشو؟ قال مطعم بعذفاء فتحوه وكم شهر وقفل وهجوا الهنوود انخرعوا من الغربه يعني هقوتكم لو نهج الوزير يعطينا شي ؟ :  بيت الشعر للمنزل المجاور لدينا :  :  هنا بريد عذفاء جيت اكتب رساله لابوي وامي اسلم عليهم واقول لهم انا بخير ونتنفس الرمال ومشتااااااااااااااااقين لكم مووووووووووووت بس الله يسامحه الوزاره :  اما الحمار والحماره وربي جننونا كل ماافتح الباب القاهم يمرون ويكبون الزباله ويحوسون عند بابنا واخاف والله واخذت لهم صوره كانوا مشاغبين مره :  :  :  وهذي خوعاء ياعيني على الفواكه والخضار الى هنا وسوف اوافيكم بصور باقيه لعذفاء ورحلتي الشاقه التي مرت بي الايام في تلك الصحاري ولم يخطر ببالي غربه مثل هذه ولا في الاحلام ولكن عند وزارة التربيه والتعليم فيه الأحلام وكوابيس بعد لكل معلمة قبل التعيين فكري مليون مرة قبل الموافقة على التعيين تحياتي للوزير وحاشيتوه محدثتكم من المملكة العربية السعودية منطقة الجوف والنقل مسموح لكل منتدى وخصوصا المنتديات التعليمية وشكرا لكل من يساهم بنشر ونقل معاناتنا منقووووووول للامانه المصدر: شبكة منتديات سالفة عشاق - من قسم: الحوارات والنقاشات الجاده hg'vdr Ygn u`thx L w,v ,ehzrdm gphg hgluglhj hgsu,]dhj |
 
| | |
| منذ /2008-11-24, 02:44 AM
| #2 | ||||||||||||
|  رد: الطريق إلى عذفاء / صور وثائقية لحال المعلمات السعوديات مشكله والله ماأقول الا الله يعين اهل عذفاء على هالحيآة الصعبه اللي عآيشينهاا .. رغم البسآطه اللي عآيشينهاا .. الا أنني أرثي لحالهم كثيرآ .. والأدهى من ذلك أنهم بدون كهربآآء .. ويمكن بعد حتى الشمعآت ماعندهم .. وصدق الوآحد مايدري انه في نعمة الا لما يشوف مصيبته غيرهـ كان الله في عون المدرسآت كبشاير واللي مثل حالهاا ..عسى الله يكون في عونكم ولايحرمكم الأجر وين وزآرهـ التربية والتعليم عن حال هالمدرسات والصعوبه التي يلاقونها في عيشهم وتنقلهم هنآآك ... حسبي الله على من كآن السبب أشكرك لعيونها على النقل الرآئع تقبل مروري |
| | |
| منذ /2008-11-24, 05:41 AM
| #3 | ||||||||||||
| || قلــم ذهبي||
| رد: الطريق إلى عذفاء / صور وثائقية لحال المعلمات السعوديات وش هاالعذاب والمعاناة ماشاء الله عليهم اللي كملوا دوامهم والله لا يحدني اداوم في مثل هالقرى صراحه شي يبكي .. رغم اسلوب الطرح الخفيف .. واحس اني خلاص هونت ما عاد ابي اصير معلمه << الوظيفه تطق بابك  اخاف يقلعوني في قلعة وادرين .. الله يستر والله لا يحدنا على شين كل شي كوم والسوبر ماركت كوم مجمعين كومة خلاقين .. وحوسه عالاقل كان رتبوه اذا دخل الواحد وحادته الحاجه يقدر يشتري ياااا ربيه الله لا يورينا مثل ماوراهم قسم شي يقهر  متى بيخلون كل بنت تتوظف في ديرتها وبس اعووذ بالله راحت ارواح من هالتعيينات اللي تجيب العيد يجيبون بنات الشمال في نجد وبنات نجد في الجنوب وبنات الجنوب في الشمال وعلى هالحال والا لازم اشحذ واسطه عشان اتوظف عند اهلي الله يصلح حالهم .. ويعدلون هاللي صاير والله يكون في عون اهل الديره على هالعيشه الصعبه ان شاء الله هالرساله تحل ازمة المعلمات وازمة قلة الخدمات والامكانيات في هالقريه .. :: شكرا لعيونها على هالموضوع .. وان شاء الله توصل الرساله لمن يهمه الامر .. وعاشت بلااادي  |
" سبحانك اللهم وبحمدك ، اشهد ان لا إله إلا انت استغفرك واتوب إليك "
| | |
| منذ /2008-11-25, 02:08 AM
| #4 | ||||||||||||
| عضو ألمـــاسي
| رد: الطريق إلى عذفاء / صور وثائقية لحال المعلمات السعوديات الله يكون في عون المدرسات .. من حياه الشقاء اللي مادري متى بتنتهي والله يجازي من كان السبب مشكور اخوي |
| | |
| منذ /2008-11-25, 10:47 PM
| #5 | |||||||||||
| عضو متميــز
| رد: الطريق إلى عذفاء / صور وثائقية لحال المعلمات السعوديات لاتعلييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييييق |
| | |
| منذ /2008-11-30, 04:19 AM
| #6 | ||||||||||||
| عضو ألمـــاسي
| رد: الطريق إلى عذفاء / صور وثائقية لحال المعلمات السعوديات لاحول ولاقوة الا بالله .. الله يكون بعونهم بصراحه.. يعطيك العافيه اخوي " لعيونهااا " طرح موفق دمت بود اغتراب الروح |
| | |
| منذ /2009-01-12, 09:08 PM
| #7 | |||||||||||
| عضو يستاهل الترحيب
| رد: الطريق إلى عذفاء / صور وثائقية لحال المعلمات السعوديات قصة روعة.. الف شكر |
| | |
| منذ /2009-01-21, 10:46 AM
| #8 | |||||||||||
| عضو يستاهل الترحيب
| رد: الطريق إلى عذفاء / صور وثائقية لحال المعلمات السعوديات الله يعينكم. |
| | |
| منذ /2009-01-21, 10:48 AM
| #9 | |||||||||||
| عضو يستاهل الترحيب
| رد: الطريق إلى عذفاء / صور وثائقية لحال المعلمات السعوديات شكرا على المجهود الكبير. |
| | |
|
| أدوات الموضوع | |
| انواع عرض الموضوع | |
العرض العادي
| |
الساعة الآن 08:44 PM
