نصيحتي

**أبوسلطان** · منذ /2009-03-18, 08:44 PM

تبغـى تعيـش بواقعيـك وترتـاح

لاهـم لاتعقيـد لاضيـق خاطـر

خلـك لغلطـات المخاليـق دمـاح

وخلك على عثرات الايـام صابـر

الصبر مفتاح الفرج فيـه الاربـاح

وميزت كريمين السبـال النـوادر

ماكل غلطه تحمل هواش وسـلاح

ولايشعل الفتنـه مـؤدب وشاطـر

العلم لوجيـه المطاليـق مصبـاح

والجهل يهدم لـه بيـوت ٍ عوامـر

والقفل لو ماله مع النـاس مفتـاح

مافتحت ابـواب السلـع والمتاجـر

ورزقك على الله ماتكفل به اشحـاح

يالاادمي مكتـوب رزقـك وعابـر

ماجاك مكتوب ٍ على عرض الالواح

امر الحكيم اللي على الناس سابـر

سبحـان خـلاق الاوادم والارواح

فـرق فصيلـت دمهـم فالمخابـر

كل ٍ له اجبله وكـل ٍ لـه اسنـاح

ولافيه مخلوق ٍ على الارض جابـر

كل ٍ يقول اني مرتـب ومصـلاح

نخطي ومـن قـوة جهلنـا نكابـر

والحق جحدانه مثل طق الارمـاح

ومن ضيعه مخطي ومذنب وخاسر

نصيحتي للـي يحبـون الانصـاح

قبـل الممـات ايسوقهـم للمقابـر

وصلاة ربي عـد ماهبـت اريـاح

علـى رسـول ٍ قادنـا للمنـابـر

بطي الأكلبي

دمتم كما تحبون

kwdpjd

**اغليك ..** · منذ /2009-03-18, 11:38 PM

صح لسان الشاعر

قصيده رااااائعه

يعطيك العافيه

لا عدمنا جديدك المميز

**الحياة انت** · منذ /2009-03-18, 11:43 PM

قصيده في قمة الرووعه

الف شكر على هالطرح

دمت بسعاده

**الغآيب** · منذ /2009-03-18, 11:46 PM

صح لسان الشاعر وسلم الناقل

لك تقديري واحترامي

**الحلم** · منذ /2009-03-18, 11:52 PM

مشكور اخوي

لا هنت

**.. أنثى ـآلمطر ..** · منذ /2009-03-19, 05:17 AM

\

أبيآت رائعه ، و صح لسان شاعرهاآ

و سلمتْ يدآك

**نووووسه** · منذ /2009-03-19, 06:38 AM

يسلموا عالقصيده الراائعه

دمت بود

**جآكي شآن العتيبي** · منذ /2009-03-19, 11:55 AM

كلمات جدآ جميله

آختيار مميز ..

وانتقــآء جميل ..

شكرآ لك

**أبوسلطان** · منذ /2009-03-19, 05:29 PM

اسعدني مروركم الغالي
مع احترامي وتقديري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

مملكة الشعر النبطي .. وكل ما تختاره ذائقتكم من قصائد ●