رواية انا ما احبك انا اتنفس هواك

هذي قصه للكاتبه شظايامن السعوديه
قريتها وعجبتني وحبيت انقلها لكم وان شاء الله تعجبكم

عائلة أبو مهند...
ماجد:: متزوج عنده بنتين وولدينرجل أعمال كبيرومعروف طيب وهادييحب زوجته وعياله... عياله عنده أهم شي بالكون
عايشه::زوجة ماجد كانت عصبيه بس يوم تزوجت ماجدحاولت انها تكون هاديه علشان توفر الجو الهادي لزوجها تحب زوجها وعيالها
مهند:: أكبر واحد عمره 24 سنه يشتغل في سكيكوعازب يحب أخته أمل وهي أقرب الناس له بعد ولد عمه فهد فرفوش ويحب الناس ويتحمل المسؤوليه اذا عطيتها اياه
فيصل::أخو مهند عمره 22سنه أخر سنه له فيجامعة الملك فهد للبترول والمعادن ذكي مثقف محترم لكنه انطوائي شوي
أمل::أخت مهند وفيصل عمرها 19 سنه... سنه أولى في كلية الأداب في الدمام تخصص لغه انجليزيه تحب أخوها مهند وهي الأقرب له مع ان عندها أختها أماني تحب المغامرات من يوم كانت صغيره تحب ولد عمها فهد ذكيه من يوم كانت صغيره
أماني::أخت مهند وفيصل وأمل عمرها 17سنه تحب المدرسه طيبه على نياتها تشوف أختها أمل قدوتها تحب المغامرات مثل أختها بس انها خوافه تحب ولد عمها نايف بس هو ما يعطيها وجه
عائلة أوفهد...
عبد المحسن ::أخو ماجد متزوج عنده ولدين وبنت طيب ولا يشيل في قلبه لكنه عصبي ( كبريت) يعصب على أتفه الأسباب متحفظ لأبعد الحدود ويحب يكونون عياله أحسن ناس حتى لو غصب عنهم
لولوه:: أخت عايشه تحب زوجها وتخاف على عيالها لأبعد الحدود طيبه وتحب الناس تحب الرسم والأعمال الفنيه معبيه بيتها من اللوحات والتحف الي تسويها
فهد:: أكبر واحد عمره24 سنه عازب يشتغل مع ولد عمه مهندفي سكيكو وهو صديق مهند الروح بالروح يحب بنة عمه أمل وطبعا ياخذ من طباع مهند
نايف:: أخو فهد عمره 22سنه اخر سنه بجامعة الملك فيصل وهو الوحيد الي يفهم فيصل ويبي يطلعه من عزلته الي يقول عنها مال أمها داعي بايع الدنيا خبل ويطلع الواحد من ظيقته غصب عنه معروف بوسامته وبالغميزات الي في خدوده مو مطيح بنات بنات الناس الاهذا الشي
ساره:: أخت فهد ونايف عمرها 19سنه في كلية الأداب بالدمام مع بنت عمها ونفس التخصص وهي بعد أقرب وحده فهد بحكم ان ما عندها خوات فعوضت هذا الشي في فهد صندوق أسرار أمل

في بيت أبو مهند
أمل:أماني أماني اقلبي على قناة كويت الرابعه ألحين بيجي الدنيا لحظه
أماني: والله طيب طيب
عايشه(أم مهند) بس هذا الي فالحين فيه تلفزيون وبلستيشن وورقه أما طباخ وغسيل وشغل البيت كله على الشغاله
أمل: الله يهديك يمه احنا في عطله خلينا شوي نرتاح ونرفه على نفسنا شوي صح أماني
أماني موافقتها بحماس:ايه صح
عايشه: اذا جاء بكره طق زوجك الباب بتنزرعين في المطبخ اه منكم بنات اخر زمن
أمل: هذا المسلسل ما شفته كله في رمضان شفت شوي منه بس
عايشه: يعني ما في فايده خلني أقوم أصلي العصر أحسن من مقابل هالوجيه
أمل يوم كانت تطالع المسلسل تذكرت حادثه صارت لها يوم كان عمرها 11سنه
********************
كانت أمل معروفه بلعبها وحركاتها الصبيانيه من يوم كانت صغيره كله تلعب مع أخوانها وأولاد عمها وتشجع بنت عمها وأختها على هذا الشي في يوم من الأيام كانوا كلهم طالعين الشارع يلعبون علىكنب كانوا رامينه برا علشان كانوا في هذا الوقت بغيرون أثاثهم قامو كلهم يناقزون عليه بعد فتره ما حست فيهم انهم دخلو البيت وخلوها برا في الشارع مع الكنب في عالم ثاني كان على المغرب بعد فتره مرة سياره فيها شابين رايحين جاين على نفس الشارع الي فيه بيت أمل.... أمل طالعت فيهم بس ما اهتمت لهم فجأه نزل واحد منهم من السياره وقام يطالع امل....أمل شكت في الموضوع مشت عن بيتهم للشارع الثاني عشان ما يعرفون بيتهم قام الشاب يلحق أمل....امل حست ان في حد يلحقها تسارعت امل في خطواتها ولا التفتت وراها علشان ما تخاف زياده الشاب رجع للسياره يسوي تمويه لأمل على انه بيروح قامت أمل تخبت في مدخل بيت جيرانهم بس هو شافها من مراية السياره شافته رجع الاهو ما سكها وحبسها في زاوية المدخل كانت تبي تصرخ تستنجد بس هو حط ايده على فمها عشان تفظحه وقام يناظرها بنظرات تخوفها قام يحرك ايده على خدها الطفولي وقال لهل
(تدرين اني حاطك في بالي من زمان) هو تركها حاولت تهرب من بين رجله بس هو مسكها من رجلها ودخلها السياره ووداها شقته وصار الي صار (طاح الفاس بالراس)
*********************
في بيت الكل كان فرحان لأنهم مجتمعين سوالف وظحك بس فتره ام مهند فقدت أمل وما شافتها مع العيال راحت لولدها مهند تسأله
عايشه: مهند يمه وين أختك أمل
مهند: تلعب في الشارع الحمد لله والشكر جالسه تناقز لوحدها على الكنب الي رميناه كأنها بعمرها ما شافت كنب ههههههههههههههه
عايشه معصبه: وتظحك بعد روح جيب أختك من الشارع الدنيا ليل ثاني مره لا تخليها لحالها في الشارع في هاليالي تفهم
مهند: ان شاء الله يمه
راح مهند الشارع بس تفاجأ انه ما شاف أحد والكنب شالته البلديه تلفت يمين ويسار الشارع بعد ماشاف أحد راح الشارع الي ورا بيتهم بعد ما شاف أحد قام يركض للبيت دخل البيت وهو يركض وفتح باب الصاله بقوه وطاح على ركبه من التعب وهو يلهث
عايشه خايفه: يمه مهند وين أختك
مهند و الدموع تتجمع في عيونه: يمه ما لقيت أمل في الشارع
عايشه: ايش روح الدور الثاني يمكن في غرفتها
راح مهند وعلى وجهه علامات اليأس
مهند: يمه ما لقيتها في الدور الثاني كله ولا في الحديقه ولا ورا البيت
عايشه: دقت على جوال زوجها مهند وقالت له السالفه
ماجد يصارخ: وش قاعده تقولين ؟؟؟ ايش البنت ضاعت أنا كم مره قايل لا تخلينها تطلع الشارع مع العيال
عايشه:صل على النبي يابو مهند انا ما خليتها لحالها مع عيال أخوانها وعمها
ماجد عصب: خلاص قفلي وانابتصرف
فهديوم سمع الخبر صعق لأنها حبيبة قلبه وحياته وكيانه
فهد منفعل: مهنديلا أمش معاي ندور عليها في الحي
فهديصارخ على مهند: مهنننننننننننننننديله تحرك وش قاعد تنتظر ؟؟؟
قام ماجد يتصل بالشرطه والمستشفيات والمراكز الصحيه والجهات الي يعرفها بحكم انه رجل أعمال معروف واخوه عبد المحسن معاه
لولوه جالسه مع أختها عايشه عشان تخفف عنها وتهون عليها
أما الشباب مهند وفيصل وفهد ونايف راحو يدورون عليها في الاحياء والبقالات والحدايق
الكل رجع يجر اذيال الامل المفقود والفشل في الحصول على أمل الكل كان مجتمع في الصاله ينتظر الخبر اليقين ماجد رايح جاي موقادر يجلس على الكرسي عبدالمحسن يطالع أخوه بنظرات يترجاه يهدي نفسه ويجلس لولوه جالسه جنب أختها تخفف عنها اماني جالسه تطالع فيهم مو عارفه أش السالفه وساره بعد مهند ونايف وفيصل ساكتين يطلعون ماجد وهو رايح وجاي فهد حاط يدينه على راسه وقاعد يفكر هل أمل بترجع هذي ما أقدر أعيش بدونها فجأه رن جرس الباب والكل ألتفت التفاته وحده على الباب.....قام مهند للباب يفتحه وكانت رنت الجرس متواصله يعني الي يرن الجرس مو شايل اصبعه عن الجرس مهند يصارخ
مهند:طيب طيب كسرتوا الباب
فتح الباب الا أمل طاحت عليه وثيابها كلها دم وتعانه مهند خاف وحط ايده تحت راس أمل وقام يظرب خدها بخفه
مهند يبكي: امل ردي علي تكفين
مهند شال امل ودخلها داخل طبعا الكل شاف المنظر وانصدم!! ماجد رمى بجسمه على الكنب الي وراه
وعبدن المحسن راح له ومسك ايده عايشه اغمى عليها ومسكتها اختها... العيال قامو من مكانهم راحوا لامل ومهند فهد يو شافها بهالحاله انصدم حبيبتي وردتي يصير فيها كذا نزلت دمعه من عيون فهد وطاحت على يد أمل
بس هي في عالم ثاني
قام عبد المحسن واخذ امل وعايشه ولولوه وراحو المستشفى .....دخلوا غرفة الطوارى
عبد المحسن رايح جاي في الممر ويمرر يده على شعره بتوتر وقلق
لولوه: صل على النبي يابو فهد مارح يصير الا الي ربي كاتبه
عبدالمحسن:وشلون اهدأ وهذي أمل الي احبهاكثر بنتي وش بقول لاخوي؟؟
لولوه :استهدي بالله انا بروح اشوف اختي وش صار عليها
لولوه ما شاء الله عليها في هذي المواقف تتحمل صبوره وقلبها قوي
لولوه: هاه يادكتور وشلون اختي
الدكتور:لا الحمد لله تعدت مرحلة الخطركان الظغط مرتفع بس سيطرنا عليه ورجعناه لوظعه الطبيعي واذا شفناها تحسنت تقدر تطلع اليوم بأذن الله ماتشوف شر والحمدلله على السلامه
لولوه: الشر ما يجيك والله يسلمك ويعطيك العافيه
الدكتور: الله يعافيكواحنا ما سوينا الا والواجب
عبدالمحسن لا الحين ينتظر عند غرفة الطوارى طلعوا أمل من غرفة الطوارى وودوها غرفة العنايه المركزه بس من شاف وجه الدكتور ما يبشر بالخير
عبدالمحسن :هاه دكتور بشر
الدكتور:والله انا مش عارف أألك ايه.... انت ابوها
عبدالمحسن:لا انا عمها قول يادكتور تراك خوفتني
الدكتور : البنت فقدت عزريتها
عبدالمحين:ايش ؟؟ انت وش قاعد تقول وش بقول لأخوي!!!!
الدكتور:أول لااله الا الله وخل ايمانك بالله اوي دا قضاء ربنا وحكمته والله يكون في عونك
*********************************
رجع عبدالمحسن وزوجتهومعاه حرمة اخوه وقالهم كل شي
ماجد:قول غير هالكلام يابو فهد انا الحين وش بقول للي يطلبون يد بنتي مني اقولهم عذراء
عبدالمحسن:اهدأ يابو مهندانت ما تدري بعلم الغيب.......يمكن يجيها واحد من خيرة الرجال ويرضى فيها مهما كان العيب الي فيها
ماجد: ما اتوقع يابو فهد..... استغفر الله الهم لاعترلض
بعد اسبوع من الحادثه طلعت امل من المستشفى صارت ما تتكلم من الصدمه الي هي فيها وكله جالسه في غرفتها
ولما يجيبون لها الأكل تاكل ربعه والباقي ترجعه زي ما هوه وكذا مره حاول مهند انه يطلعها من عزلتها بس كل مره يفشل مره من المرات دخل عليها
مهند: هاه حبيبتي أمل وش أخبارك الحين
أمل:...........
مهند: طيب تبين شي معين أجيبه لك
أمل:............
مهند: طيب تبين أنادي فيصل وفهد ونايف ونلعب مع بعض
أمل: م... ه...ن...د
مهند بفرحه:هلا حبيبتي امري وش تبين
أمل تبكي :مهند أبي أمي
مهند راح يركض وراح الصاله وقام يصارخ
مهند: يمممممممممممممممه....يمممممممممممممممممه ...أمل تكلمت ...أمل تكلمت
عايشه مو مصدقه:قول والله الله يخليك مهند لا تلعب بعصابي
مهند:والله يمه حتى قالت انها تبيك يله بسرعه تعالي
عايشه قامت تركض على الدرج راكبه للدور الثاني عشان تروح لأمل دخلت على أمل قامت امل من السرير راحت تركض لأمها
أمل:يمه تعالي انا خايفه
عايشه:هلا بحبيبتي هلا بعمري من ايش خايفه
أمل :تبكي خايفه من ذاك الرجال
عايشه ظمت بنتها لصدرها ومتحسره على حالها وتدعي ربها ان يشفي بنتها ويطلعها من العقده الي هي فيها اتصلت عايشه على اختها لولوه تبشرها وفرحت لها وقالت لها انها جايه بالطريق عشان تسمع امل باذنها وطبعا فهد هو اول واحد قال بيروح بيت عمه
أول ما وصلت ام فهد ظمت امل وقامت تسولف لها عشان تسمع صوتها وفهد مستانس
فهد:امل تجين تلعبين معاي في الحوش كوره
أمل بفرح:يلا بس انا بكون هجوم وانت الحارس
فهد مستانس انه سمع صوتها بحماس : يلا يلا
مهند:وانا بكون الحكم عشان كل مره اعطي نايف كرت احمرههههههههههههههههههه
نايف معصب: مايصير يا الغشاش
قامو كلهم يظحكون وراحو يلعبون في الحوش كوره
************************************
يوم تذكرت أمل الحادثه الدموع تجمعت في عيونها غصب عنها وقامت بتروح غرفتها
أماني:أمل وين رايحه لسى ما خلص المسلسل
أمل بدون ما تلتفت عليها رايحه للدور الثاني:لا خلاص ما ابي اطالع اصلا شفت هذي الحلقه من قبل
أماني بعد ما راحت أمل: غريبه!!!!أمل تطالع المسلسل حتى لو عادوه ألف مره!!!!!! كيفها
******************************
في بيت أبو فهد
نايف:احسن لك ياساره أنا بلعب اللاعب الاول في البلاي ستيشن
ساره:موكله انت تلعب اللاعب الاول حتى انا ابغى
لولوه(ام فهد) الحمد لله والشكر يعني انتو ما تخلون سوالفكم كل واحد وش عرضه وطوله يوصل لاخر الجدار وتلعبون ألعاب بزارين كبرو عقولكم شوي
ساره: أصلا انت تدرس صيفي والحين الساعه 4 الا ربع يعني باقي ربع ساعه وتروح الجامعه يا خي عطني اللاعب الاول
نايف:عناد لك ما رح اروح الجامعه وبخلي واحد من اخوياي يحظرني وهذاني قاعد على كبدك حررررررررررررررررره (ويمد لسانه)
ساره: طيب انا اوريك اذا ما علمت فهد على فظايحك ما اكون انا ساره
دخل فهد توه جاي من الدوام
فهد:السلام عليكم
الكل :وعليكم السلام ورحمة الله وبركاته
نايف قام يطالع ساره نظرات تهدديد علشان ما تفظحه عند فهد بس هي قامت تظحك وقالت انها مو قايله شي لفهد
لولوه: وش اخبارك ياوليدي وش اخبار الشغل معاك(تأشر بيدها على الكرسي) اجلس يا وليدي ارتاح
فهد:آآآآآآآه يايمه تعب والله تعب.... بس ما نقدر نعترض على رزقنا
لولوه:الله يسهل لك دربك
فهد: ساره لو سمحتي قومي حطي لي الغداء تعبان ابغى اتغدى وانام
ساره: ان شاء الله
فهد التفت على نايف باستغراب
فهد: نايف وش عندك ما رحت الجامعه الساعه 4 وخمس
نايف: هاه يله بروح مع السلامه
لولوه: الله يحفظك والله الله في الدراسه شد حيلك هذي اخر سنه ما ابغى لعب
نايف:ان شاء الله يمه
لولوه: اقول فهد عندك شي بعد المغرب
فهد:آمري يمه بغيتي شي
لولوه:ايه والله يا ولدي ودي توديني الزامل(محل يبيع الادوات الفنيه بكل فروعها)علشان اشتري الحرير الي يرسمون عليه وابغى اشتري برواز علشان لمى اخلص من الرسمه ابروزها
فهد:ان شاء الله على هالخشم يا الرسام بيكاسو
لولوه: تتطنز مع وجهك
فهد:ههههههههههههه لابس يمه انا افتخر ان امي رسامه
لولوه:انا قلت لابوك بفتح معرض او ابيع اعمالي بس هو مو راضي
فهد:هههههههههههه ولا يصير خاطرك الا طيب انا بحاول اقنعه بالموضوع يلاانا استأذن بروح اتغدى وانام
لولوه:اذنك معاك يا ولدي
فهد: ادري ان اذني معاي اجل كيف اسمع ههههههههه
لولوه:فيك النوم وما تخلي عنك سوالفك آآآه من هالولد
فهد:ههههههههههه
*****************************
نايف في طريقه للجامعه برن جواله...........
نايف:الو
عبدالله: الو هلا نايف
نايف:هلا فيك وش اخبارك وين انت
عبدالله: والله الحمدلله انت وين
نايف:انا بروح الجامعه تامر على شي
عبدالله:اقول بلا جامعه بلا هم تعال نلعب بولينج في ارامكو انا موصي واحد من الربع يحظرني ويحظرك معاي
نايف:والله يا سلام عليك يا عبود ونعم الصديق يلا انا جاي مسافة الطريق بس
عبدالله: اوكي باي
نايف: ياي
نايف :ايه والله بلا جامعه بلا هم خلني اروح اوسع صدري مع الشباب...... ويلف سيارته عن طريق الجامعه ويروح على طريق ارامكو ومطول صوت الاغاني على اعلى صوت وهو في الطريق مربنقطة تفتيش طبعا ما كان رابط الحزام بسرعه ربطه ووقفه العسكري
العسكري: الرخصه والاستماره لو سمحت
نايف يبغى يستهبل على العسكري لانه مطول صوت الاغاني ويسوي نفسه ما يسمع
نايف: ايششششششششششششششششش؟؟
العسكري قام يصرخ :الرخصصصصصصه والاستممممممممماره لو سمحت
نايف:ههههههههه ان شاء الله
ونزل من صوت الاغاني وعطاه الرخصه والاستماره
العسكري:تفضل الله معاك
نايف: اصلا الله في السماء هههههههههه
نايف يحب يطفر بالعسكريين خاصة الي يوقفون عند نقط التفتيش سرع بالسياره السرعه الغير قانونيه طبعا العسكري خذ رقم السياره (000 م ل ح) وسجل عليه مخالفه وياكثر المخالفات الي على نايف( تظليله...
مو رابط الحزام .... سرعه.... جاي عكس الطريق....داخل من مخرج وهلم جرا).....
نايف بينه وبين نفسه خلني ادق على فيصل..... هالولد ما ادري وش يحب بالجلسه لحاله
جوال فيصل يرن خذه في يده وشاف الشاشه ابتسم يوم شاف الاسم(بايع الدنيا)
فيصل :الو
نايف: الو هلا والله بالقاطع الي نسينا ويقدم الكتب الي ما تتكلم علينا
فيصل:هههههههههه حرام عليك توني امس رسلت مسج أسال عن حالك وبعدين لا تنسى هذه السنه اخر سنه....ياخي ابغى اشد حيلي علشان مااتعب بالوظيفه
نايف :طيب انا ابغى اسمع صوتك الجميل....انت تدري لما اسمع صوتك اصير في عالم ثاني وبعدين لا حقين على نهايه الترم والوظيفه تعال انا عندي لك طلعه معتبره تنسى فيها ام جابتك
فيصل:ههههههههههه لا انا ابغى اتذكر امي دايم بصراحه خلها مره ثانيه ان شاء الله
نايف معصب: ترى ما صارت هذي يا فيصل كل ما اقولك تعال معاي المكان الفلاني قلت خلها مره ثانيه ما كأن عندي ولد عم اسمه فيصل
فيصل: وش فيك يا رجال عصبت المضوع ما يستاهل
نايف: انت اليوم الظاهر بتجيب اجلي على برودك يله باي
فيصل:نايف انا....
نايف قفل الخط في وجهه
فيصل :كل شي ولا زعل نايف يالله انا وش اسوي الحين
نايف:هههههههه مثلت عليه اني معصب وش اسوي طفشني مع وجهه ومع كتبه الحين الكتب صارت احسن من نايف ولد عمه بس انا اوريه شغله ان ما خليته يحب رجولي ما اكون نايف ولد عبد المحسن هذا جزاي اني ابي اطلعه من هالمحراب الي قاعد فيه وكمل نايف طريقه لأرامكو وفيصل مسكين قاعد يفكر كيف يرضي نايف
*******************************
فهد لمى تغدى وراح غرفته عشان يرتاح رمى بجسمه بكل قوه على السرير من قوة التعب وجلس يفكر هل ابوي بيوافق اتزوج امل بنت عمي والا بيرفض طيب انا ابغى امل حتى لو كان فيها اقوى مرض استغفر الله بعيد الشر عنها ان شاء الله اقول خلني انام الحين انا انام وبعدين يحلها الف حلال بعدين غمض عيونه الا هو في سابع نومه..........
*******************************
هذا الجزء الاول ونشأالله انزل الجزء الثااني

---

v,hdm hkh lh hpf; hjkts i,h;

روووعه

يسلموا يالغلا

دمت بود

راااائعه

مشكوره الريم

يعطيك العافيه

لا عدمنا جديدك المميز

حلووه

الف شكر لك

دمت بسعاده